Azərbaycan çempionu avrokubokların pley-offuna vəsiqəni təmin edib

Azərbaycan çempionu avrokubokların pley-offuna vəsiqəni təmin edib
# 14 iyul 2021 22:55 (UTC +04:00)

“Neftçi” avrokubokların pley-offuna vəsiqəni təmin edib.

Apasport.az saytının məlumatına görə, Bakı klubu buna Çempionlar Liqasının I təsnifat mərhələsini adlamaqla nail olub.

Azərbaycan çempionu Gürcüstan “Dinamo”sunu (Tbilisi) iki oyunun (4:2) nəticəsinə əsasən üstələyib. Bu, Samir Abasovun yetirmələrinin cari mövsüm avrokuboklarda ən azı daha 6 oyun keçirəcəyi deməkdir. Yəni “Neftçi” üç qitəmiqyaslı turnirdən birinin pley-offunda oynayacaq.

“Dinamo”nu keçən “ağ-qaralar” II təsnifat mərhələsində Yunanıstan “Olimpiakos”u ilə görüşəcək. Qitənin ən nüfuzlu klub turnirinin pley-offuna yüksəlmək üçün bakılılar həm Ellada təmsilçisini, həm də III təsnifat mərhələsindəki rəqibini keçməlidir.

“Neftçi” “Olimpiakos” səddini keçsə və III təsnifat mərhələsində uduzsa, Avropa Liqasının pley-offuna düşəcək.

Abasovun yetirmələri Pirey təmsilçisinə uduzsa, Avropa Liqasının III təsnifat mərhələsinə yollanacaq. Buradakı qələbə komandanı ikinci dərəcəli turnirdə pley-offa daşıyacaq.

“Neftçi” Konfrans Liqasının pley-offuna düşmək üçün yalnız uğursuzluqları sıralamalıdır. Paytaxt təmsilçisi Çempionlar Liqasının II təsnifat mərhələsində “Olimpiakos”a, ardınca Avropa Liqasının III təsnifat mərhələsində də qarşılaşacağı komandaya məğlubiyyət “Neftçi”ni yeni turnirin pley-offuna aparacaq.

#
#

ƏMƏLİYYAT İCRA OLUNUR