Futbol

Ana səhifə

Futbol

Azərbaycan Peşəkar Futbol Liqası dünya çempionatının 2 ildən bir keçirilməsinin əleyhinədir

09 sentyabr 2021 16:42 (UTC +04:00)

Avropa Peşəkar Futbol Liqaları Assosiasiyası (EPFL) dünya çempionatlarının 2 ildən bir keçirilməsi ilə bağlı bəyanat yayıb.

Apasport.az saytının məlumatına görə, qitənin əksər liqalarını özündə birləşdirən qurum yeniliyin əleyhinə çıxıb.

Azərbaycan Peşəkar Futbol Liqasının da üzvü olduğu assosiasiyanın bəyanatında bildirilir ki, bütün liqalar yekdilliklə buna qarşıdır: “Liqalar qəti və yekdilliklə dünya çempionatının iki ildən bir keçirilməsi ilə bağlı istənilən təklifə qarşıdır. Bunun birtərəfli qaydada reallaşmasına imkan verməmək üçün digər maraqlı tərəflərlə birlikdə çalışacaq. Belə qərar bizim futbol sənayesinin təməli olan milli yarışlara zərbə vuracaq”.

Qeyd edək ki, “Böyük beşlik” liqalarının hamısı EPFL-in üzvüdür.