Bu mövsüm Çempionlar Liqasında mübarizə aparacaq “Beşiktaş”ın proqramında dəyişiklik olub.
Apasport.az saytının məlumatına görə, Türkiyə çempionu təlim-məşq toplanışının İspaniya mərhələsini ləğv edib.
“Ağ-qaralar” 24 iyul – 4 avqust aralığında İspaniyada hazırlıq keçməli idi. Lakin Avropada koronavirusa yoluxma sayının yenidən artması İstanbul təmsilçisinin toplanışı ləğv etməsinə səbəb olub.
Qeyd edək ki, “Beşiktaş” Çempionlar Liqasında qrup mərhələsindən mübarizəyə qoşulacaq.