Azərbaycan kubokunun qalibi “Keşlə” avrokuboklarda növbəti oyununu keçirəcək.
Apasport.az saytının məlumatına görə, Konfrans Liqasında mübarizə aparan Sənan Qurbanovun yetirmələri Rusiya “Soçi”si ilə görüşəcək.
Bakı klubu rəqibini “ASK Arena”da sınağa çəkəcək. Ötən həftə səfərdə 0:3 hesablı darmadağına üzülən paytaxt təmsilçisi II təsnifat mərhələsini uğurla keçmək üçün möcüzəyə imza atmalıdır.
Tur adlamaq şansı minimuma bərabər olan “Keşlə” avrokubok mövsümünü ən azı qolsuz bitirməmək üçün meydana çıxacaq. Bakılılar bunu bacarsa və eyni saatda meydana çıxacaq “Sumqayıt”dan və oyunu bir saat gec başlayacaq “Qarabağ”dan tez fərqlənsə, Konfrans Liqasında ilk qolumuzun müəllifi ola bilər.
Qeyd edək ki, “Keşlə” – “Soçi” cütünün qalibi “Partizan” (Serbiya) – “Dunayska Ştreda” (Slovakiya) duelinin güclüsü ilə qarşılaşacaq.
Konfrans Liqası
II təsnifat mərhələsi, cavab oyunu
29 iyul
20:00. “Keşlə” (Azərbaycan) – “Soçi” (Rusiya)
Baş hakim: Viktor Şimusik (Belarus)
Bakı. “ASK Arena”
İlk oyun – 0:3
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
