Konfrans Liqasının pley-off mərhələsinin “Neftçi” – “Makkabi” (Hayfa, İsrail) oyunu Azərbaycan futbol tarixinə düşüb.
Apasport.az saytının məlumatına görə, “Bakcell Arena”dakı görüş klublarımızın avrokuboklardakı ən məhsuldar heç-heçəsidir.
Bunadək təmsilçilərimizin görüşlərində heç vaxt 3:3 hesablı sülh qeydə alınmayıb. Azərbaycan komandaları 14 dəfə 4 qolun vurulduğu matçda heç-heçə oynayıb. Lakin bu dəfə daha çox – 6 qollu sülh qeydə alınıb.
Qeyd edək ki, səfər qolu qaydası ləğv edildiyindən Bakıdakı 3:3 hesabı “Makkabi”yə üstünlük vermir və qrup mərhələsinə cavab oyununda qalib gələn komanda yüksələcək.