Avrokuboklarda mübarizə aparan Türkiyə klubları növbəti oyunlarını keçirib.
Apasport.az saytının məlumatına görə, qardaş ölkənin 4 klubu pley-offun cavab matçına çıxıb.
Avropa Liqasında çıxış edən İstanbul nəhəngləri qələbə ilə mərhələ keçərək qrup mərhələsinə yüksəlib. “Qalatasaray” evdə Danimarka “Randers”i üzərində əzmkar qələbəyə sevinib – 2:1. Səfərdəki 1:1 hesablı heç-heçədən sonra bu nəticə “sarı-qırmızılar”ı qrupa daşıyıb.
“Fənərbaxça” evdə bir qolla üstələdiyi HİK-i Finlandiyada darmadağın edib. İstanbul təmsilçisi səfərdə 5:2 hesabı ilə qalib gəlib.
Konfrans Liqasındakı Türkiyə klubları isə evdəki 1:2 hesablı məğlubiyyətdən sonra səfərdə darmadağınla üzləşib. “Sivasspor” Danimarkada “Kopenhagen”dən 5 cavabsız qol buraxıb. “Trabzonspor” isə “Roma” ilə İtaliyadakı matçda uduzub – 0:3.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
