UEFA səfər qolu qaydasını ləğv edib

UEFA səfər qolu qaydasını ləğv edib
# 24 iyun 2021 17:26 (UTC +04:00)

2021/22 mövsümündən səfər qolu qaydası ləğv olunub.

Apasport.az saytının məlumatına görə, bu barədə UEFA rəsmi saytı vasitəsilə məlumat verib.

Bildirilib ki, UEFA-nın bütün klub yarışlarında iki matçdakı qolların sayı bərabər olarsa, hərəsi 15 dəqiqədən ibarət olan iki əlavə hissə oynanılacaq və orada da tablodakı bərabərlik dəyişməsə, penaltilər seriyasına müraciət olunacaq.

UEFA səfər qolu qaydasını ilk dəfə 1965-ci ildə Kuboklar kuboku yarışında tətbiq edib, sonradan isə bu qayda UEFA-nın keçirdiyi bütün turnirlərə şamil olunub.

Bu qaydaya görə, iki oyunda vurulan qolların ümumi sayı bərabər olduqda, rəqib meydanda daha çox qol vuran komanda qalib sayılır.

#
#

ƏMƏLİYYAT İCRA OLUNUR