21 yaşadək futbolçulardan ibarət komandalar arasında Avropa çempionatının seçmə mərhələsi çərçivəsində keçiriləcək Azərbaycan – Fransa oyununun hakimləri müəyyənləşib.
Apasport.az saytının məlumatına görə, UEFA Sumqayıtda baş tutacaq qarşılaşmanı Türkiyədən olan hakimlər briqadasına həvalə edib.
Sentyabrın 7-dəki görüşün baş hakimi Halis Özkahya olacaq. Ona həmyerliləri Kərəm Ərsoy, Sərkan Olquncan kömək edəcəklər. Matçın 4-cü hakimi funksiyasını Alper Ulusoy yerinə yetirəcək. Rumıniyalı hakim-inspektor Auqustus Konstantin isə referilərin işinə qiymət verəcək.
Qeyd edək ki, “Kapital Bank Arena” keçiriləcək Azərbaycan – Fransa matçı saat 21:00-da başlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
