Dağlıq Qarabağda baş verənlərə Azərbaycanda oynamış legioner futbolçular da biganə qalmayıb.
Apasport.az saytının məlumatına görə, erməni terrorçuların münaqişə bölgəsindən uzaqda yerləşən əraziləri raket atəşinə tutması futbolçuların qəzəbinə tuş gəlib.
Gəncədə yaşayan mülki əhalinin düşmən təxribatının qurbanı olması legionerlərin paylaşımlarında da əksini tapıb. “Qarabağ”ın sabiq hücumçusu, CAR yığmasının üzvü Dino Ndlovu, “Neftçi”də forma geyinmiş paraqvaylı yarımmüdafiəçi Erik Ramos, ölkəmizdə üç klubda oynamış Denis Silva, “Sumqayıt”ın keçmiş israilli futbolçusu Əmir Ağayev bununla bağlı paylaşımlar ediblər.
Sonuncu kimi milliləşdirilən legionerlər də hadisələrə biganə qalmayıb. “Qarabağ”ın və yığmamızın şərəfini qorumuş braziliyalı Riçard Almeyda, həmçinin millimizə cəlb olunan almaniyalı Rüfət Dadaşov da Gəncədə baş verənlərə münasibət bildirib.
Uzun illər “Qarabağ”da çıxış etmiş Ansi Aqolli isə “Qarabağ Azərbaycandır” paylaşımı ilə haqq səsinə qoşulub.
Hazırda “Qarabağ”ın şərəfini qoruyan Haiti millisinin üzvü Donald Gerye də digər əcnəbilərdən geri qalmayıb.
Azərbaycanda oynamış əcnəbi futbolçular Gəncədə baş verən hadisələrə münasibət bildirib - FOTO
18 oktyabr 2020 17:51 (UTC +04:00)
Futbol
AVRO 2024: Polşa Uelsi məğlub edərək qitə birinciliyinə qoşulub - QRUPLAR
02:28
27 mart 2024
Türkiyə yoldaşlıq görüşündə səfərdə Avstriyaya 6-1 məğlub olub
01:51
27 mart 2024
Ukrayna millisi tarixində dördüncü dəfə Avropa çempionatına çıxıb
01:36
27 mart 2024
Tblisi sakinləri Gürcüstan millisinin Avropa çempionatında iştirakını bayram ediblər - FOTO - VİDEO - YENİLƏNİB
00:48
27 mart 2024