Futbol

Ana səhifə

Futbol

“Barselona” və “Mançester Yunayted” itkisiz irəliləyir, “Yuventus” evdə uduzub

29 oktyabr 2020 01:54 (UTC +04:00)

Çempionlar Liqasında II tura yekun vurulub.

Apasport.az saytının məlumatına görə, ikinci oyun günündə daha 8 qarşılaşma baş tutub.

“Çelsi” Rusiya səfərində darmadağına sevinibsə, E qrupunun digər favoriti “Sevilya” “Renn”i İspaniyadan əliboş yola salıb.

F qrupunda Dortmund “Borussiya”sı ilə “Zenit”in duelində almanlar qələbə qazanıblar. “Latsio” isə “Brügge” ilə səfər qarşılaşmasında 1 xalla kifayətlənib.

Günün mərkəzi matçı Turində keçirilib. Yarışa qələbə ilə başlayan “Yuventus”la “Barselona” münasibətlərinə aydınlıq gətirib. Səfərdən qələbə ilə dönən “Barsa” vahid liderliyi ələ keçirib. Bol qollu alınan “Ferensvaroş”la Kiyev “Dinamo”su arasındakı qarşılaşma bərabərə yekunlaşıb.

H qrupunda qərarlaşan qardaş Türkiyənin çempionu “Başakşəhər” ilk ev oyununu keçirib. İstanbul təmsilçisi son finalçı PSJ-yə böyük hesabla uduzub. İlk turu qələbə ilə başa vuran “Mançester Yunayted”lə “Leypsiq”in duelində isə ingilislər rəqib qapısından 5 cavabsız top keçiriblər.

Çempionlar Liqası
II tur

28 oktyabr

E qrupu
21:55. “Krasnodar” (Rusiya) – “Çelsi” (İngiltərə) - 0:4
Hudson-Odoy, 37, Verner, 37 (pen.), Ziyeç, 79. Pulişiç, 90
00:00. “Sevilya” (İspaniya) – “Renn” (Fransa) - 1:0
de Yonq, 56

1	Çelsi	2	1	1	0	4-0	4
2	Sevilya	2	1	1	0	1-0	4
3	Krasnodar	2	0	1	1	1-5	1
4	Renn	2	0	1	1	1-2	1

F qrupu
00:00. “Borussiya” (Dortmund, Almaniya) – “Zenit” (Rusiya) - 2:0
Sanço, 77 (pen.), Haaland, 90+1
00:00. “Brügge” (Belçika) – “Latsio” (İtaliya) - 1:1
Vanaken, 42 (pen.) - Korrea, 14

1	Latsio	2	1	1	0	4-2	4
2	Brügge	2	1	1	0	3-2	4
3	Borussiya D	2	1	0	1	3-3	3
4	Zenit	2	0	0	2	1-4	0

G qrupu
00:00. “Yuventus” (İtaliya) – “Barselona” (İspaniya) - 0:2
Dembele, 14, Messi, 90+1 (pen.)
00:00. “Ferensvaroş” (Macarıstan) – “Dinamo” (Kiyev, Ukrayna) - 2:2
Nquen, 59, Boli, 90 - Tsiqankov, 28 (pen), De Pena, 41

1	Barselona	2	2	0	0	7-1	6
2	Yuventus	2	1	0	1	2-2	3
3	Dinamo	2	0	1	1	2-4	1
4	Ferensvaroş	2	0	1	1	3-7	1

H qrupu
21:55. “Başakşəhər” (Türkiyə) – PSJ (Fransa) - 0:2
Ken, 64, 79
00:00. “Mançester Yunayted” (İngiltərə) – “Leypsiq” (Almaniya) - 5:0
Qrinvud, 21, Raşford, 76, 78, 90+2, Martial, 86 (pen.),