Canni İnfantino: “FİFA və UEFA idmanın Avropa modelini qorumalıdır”

#
# 13:08
20 aprel 2021

“Mən Avropa futbolunun prinsip və dəyərlərini qorumaq üçün çox və səylə çalışmışam”.

Apasport.az saytının məlumatına görə, bunu FİFA-nın prezidenti Canni İnfantino deyib.

Dünya futbol qurumunun rəhbəri UEFA-nın Konqresində çıxış edib. İnfantino Avropanın 12 aparıcı klubunun Superliqa yaratmasına münasibət bildirib: “Amma indi görürük ki, qısamüddətli maliyyə qazancına görə çox şey kənara atılır. İnsanlar fikirləşməli və bu hərəkətlərinin məsuliyyətini başa düşməlidir. Onlar bugünkü Avropa futbolunu yaradan bütün həvəskarlar və azarkeşlər barədə düşünməlidir. Onun 100-dən artıq yaşı var. Bizim və şəxsən mənim vəzifəm idmanın Avropa modelini, yığmaları və milli çempionatları qorumaqdır. Kimsə öz yolu ilə getməyi seçərsə, onlar bu seçimin nəticələrini qəbul etməlidir”.

Qeyd edək ki, UEFA-nın Konqresi Fransanın Montre şəhərində keçirilir.

#
#

ƏMƏLİYYAT İCRA OLUNUR