"Eyni səviyyəli komandalarla bir qrupda yer almışıq".
Apasport.az saytının məlumatına görə, bunu AFFA-nın icraçı vitse-prezidenti və baş katibi Elxan Məmmədov deyib.
Qurum rəsmisi Amsterdamda keçirilən UEFA Millətlər Liqasında 2020-21 mövsümünün püşkünün nəticəsini dəyərləndirib.
Məmmədov AFFA-nın rəsmi saytına C liqasının 1-ci qrupunda qərarlaşan yığmamızın Lüksemburq, Kipr və Monteneqroya rəqib olmasına münasibət bildirib: "Monteneqro millisini nisbətən güclü rəqib hesab etmək olar. Bu komandanın C liqasının 1-ci səbətində yer alması da fikrimi təsdiqləyir. Bizi maraqlı bir yarış gözləyir. Milli komandamıza uğurlar arzulayıram. Təbii ki, əsas məqsədimiz hər oyunda 3 xal qazanmaq olacaq. Bu cür qrupda mübarizə aparmaq və yaxşı nəticə qazanmaq mümkündür".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
