Robert Levandovski Bundesliqanın rekorduna şərik çıxib

Robert Levandovski Bundesliqanın rekorduna şərik çıxib
# 17 iyun 2020 01:02 (UTC +04:00)

Almaniyanın “Bavariya” klubunun futbolçusu Robert Levandovski Bundesliqanın tarixinə düşüb.

Apasport.az saytının məlumatına görə, polşalı hücumçu çempionatın tarixinin rekordunu təkrarlayıb.

O, XXXII turun “Verder”lə səfər oyununda vurduğu qolla komandasına 1:0 hesablı qələbə və ardıcıl 8-ci çempionluğu qazandırıb. Bu, Robertin cari mövsümdə 31-ci qolu olub.

Bununla da Levandovski Bundesliqada bir mövsümə ən çox qol vuran legioner adına şərik çıxıb. 2016/17 mövsümündə Dortmund “Borussiya”sında çıxış edən Pyer-Emerik Obameyanq da 31 qol vurmuşdu. Lakin polşalı son iki turda vuracağı qolla qabonlunu arxada qoymaq imkanına da malikdir.

Qeyd edək ki, 32 matçda 76 xal toplayan “Bavariya” tarixində 30-cu dəfə qızıl medallara yiyələnib.

#
#

ƏMƏLİYYAT İCRA OLUNUR