Avropanın daha bir ölkəsində çempion müəyyənləşib.
Apasport.az saytının məlumatına görə, “Zenit” Rusiya Premyer Liqasının qızıl medallarını qazanıb.
Sankt-Peterburq təmsilçisi bu uğuru XXVIII turun “Lokomotiv”lə matçında rəsmiləşdirib. Turnir cədvəlindəki ən yaxın izləyicisini 6:1 hesabı ilə darmadağın edən Sergey Semakın yetirmələri ardıcıl 3-cü dəfə ölkə çempionu olub. Sona iki tur qalmış qızıl medalları təmin edən komanda “Lokomotiv”dən 9, bir oyun az keçirən “Spartak”dan 11 xal öndə qərarlaşıb.
Ümumilikdə isə sankt-peterburqlular 8-ci çempionluğunu bayram edib. “Zenit” bir dəfə SSRİ, 7 dəfə Rusiyada hamını qabaqlayıb.
Qeyd edək ki, Sankt-Peterburq təmsilçisi bununla da Çempionlar Liqasının qrup mərhələsinə vəsiqə qazanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
