Azərbaycanda İİV-ə yoluxan narkotik istifadəçilərinin sayı açıqlanıb

Azərbaycanda İİV-ə yoluxan narkotik istifadəçilərinin sayı açıqlanıb
# 17 iyul 2021 13:11 (UTC +04:00)

2020-ci ildə Azərbaycanda 547 nəfər İİV-ə yoluxub.

APA-nın məlumatına görə, bu, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun 2020-ci il üzrə hazırladığı hesabatda əksini tapıb.

Qeyd olunub ki, bütövlükdə 1988-ci ildən 2020-ci ilin dekabr ayının sonunadək Səhiyyə Nazirliyinin Respublika QİÇS-lə Mübarizə Mərkəzində İİV diaqnozu təsdiq olunmuş 8688 nəfər qeydiyyata götürülüb. Onlardan 8395-i Azərbaycan vətəndaşı, 293-ü əcnəbi olub. İİV-ə yoluxanların 6231 kişi, 2457-si qadın olub.

Onlardan 3380-də İİV-ə yoluxma inyeksion narkotik istifadəsi nəticəsində baş verib. Həmin katqoriyadan olan şəxslərin 2679 nəfəri hazırda dispanser qeydiyyatındadır.

#
#

ƏMƏLİYYAT İCRA OLUNUR