Bərdə rayonunda iki minik maşını toqquşub.
APA-nın Qarabağ bürosunun xəbərinə görə, hadisə Borsunlu-Hindarx yolunun Bərdə rayon Əmirli kəndi ərazisindən keçən hissəsində qeydə alınıb.
Belə ki, hərəkətdə olan 02-BX-738 dövlət nömrə nişanlı “VAZ-21012” markalı minik maşını, 02-BT-507 dövlət nömrə nişanlı “VAZ-2107” markalı maşınla toqquşub.
Nəticədə ikincinin sürücüsü, Ağdam rayon sakini Kərəm Əbduləzimov müxtəlif dərəcəli xəsarətlər alıb.
Yaralı xəstəxanaya yerləşdirilib.
Faktla bağlı araşdırma başlanıb.
Elgün Gəncimsoy