FHN: Quba və Şabranda baş verən yanğınlar söndürülüb

FHN: Quba və Şabranda baş verən yanğınlar söndürülüb
# 18 iyun 2021 10:55 (UTC +04:00)

Fövqəladə Hallar Nazirliyi (FHN) şimal bölgəsində baş verən yanğınlar barədə yeni məlumat açıqlayıb.

APA-nın xəbərinə görə, FHN-in məlumatında deyilir: "Ötən gün respublikanın müxtəlif bölgələrində açıq sahələrdə, o cümlədən quru ot, kol-kos, biçilmiş və biçilməmiş taxıl sahələri və meşəlik ərazidə yanğınlar baş verib. FHN-in qüvvələrinin operativ və peşəkar müdaxiləsi sayəsində yanğınların ərazisinin genişlənməsinin qarşısı alınaraq əksəriyyəti qısa müddətdə söndürülüb.

Görülmüş operativ tədbirlər nəticəsində Quba və Şabran rayonlarında açıq sahələrdə baş vermiş yanğınlar da Nazirliyin müvafiq qüvvələri tərəfindən qısa müddətdə söndürülüb.

Hazırda Xaçmaz rayonunun Nabran qəsəbəsi və Niyazoba kəndi yaxınlığında meşə və meşəətrafı zonadakı yanğınlarla mübarizə davam etdirilir".

Qeyd olunub ki, yanğınla mübarizəyə Nazirliyin müvafiq qüvvələri, o cümlədən 1 ədəd helikopteri cəlb olunub.

 

#
#

ƏMƏLİYYAT İCRA OLUNUR