Göygöldə çayda meyiti tapılan şəxsin kimlyi məlum olub.
APA-nın yerli bürosunun məlumatına görə, həmin şəxsin 1971-ci il təvəllüdlü Bakı şəhər sakini Bəxtiyar Kazımov olduğu bildirilir.
Onun hündürlükdən çaya yıxılaraq öldüyü ehtimal olunur.
Faktla bağlı Göygöl rayon prokurorluğunda araşdırma aparılır.
***
15.21
Göygöl rayonunda kişi meyiti tapılıb.
APA-nın yerli bürosunun məlumatına görə, hadisə rayonun Almədətli kəndində qeydə alınıb. Ərazidən axan çayda 40-50 yaşlarında olan kişinin meyiti aşkarlanıb.
Meyitin kimliyi məlum deyil. Hadisə yerinə hüquq-mühafizə orqanlarının əməkdaşları cəlb olunub.