Lənkəranda avtomobil qəzadan sonra yanıb

Lənkəranda avtomobil qəzadan sonra yanıb
# 27 iyul 2021 21:54 (UTC +04:00)

Lənkəran rayonunun Gərmətük kəndi ərazisində "VAZ-2107" ilə "Chevrolet" markalı avtomobillər toqquşub.

APA-nın cənub bürosunun verdiyi məlumata görə, Firudin Babayevə məxsus 10-RM-069 dövlət qeydiyyat nişanlı "VAZ-2107" markalı avtomobil yaxınlıqdakı yüksək gərginlikli elektrik dirəyini aşırıb və nəticədə nəqliyyat vasitəsi alışıb.

Hadisə yerinə Fövqəladə Hallar Nazirliyinin Cənub Regional Mərkəzinin Lənkəran Yanğından Mühafizə Hissəsinin 2 yanğınsöndürən maşını və şəxsi heyəti cəlb olunub.

Yanğın söndürülüb. Hadisə nəticəsində xəsarət alan olmayıb.

Faktla bağlı araşdırma aparılır.

#
#

ƏMƏLİYYAT İCRA OLUNUR