Masallıda evlərdən oğurluq edən şəxslər tutulub - FOTO

Masallıda evlərdən oğurluq edən şəxslər tutulub

© APA | Masallıda evlərdən oğurluq edən şəxslər tutulub

# 20 noyabr 2021 13:56 (UTC +04:00)

Masallı Rayon Polis Şöbəsinin əməkdaşlarının keçirdikləri əməliyyat-axtarış tədbirləri ilə yaşayış evlərindən oğurluq edən rayon sakinləri saxlanılıb.

DİN-in Mətbuat Xidmətinin Lənkəran regional qrupundan APA-ya verilən məlumata görə, rayonun Şıxlar kəndi ərazisindəki yaşayış evlərindən birindən 3000 manat dəyərində müxtəlif məişət əşyalarının oğurlanması ilə bağlı polisə müraciət daxil olub. Keçirilən əməliyyat-axtarış tədbirləri ilə həmin oğurluğu törətməkdə şübhəli bilinən rayon sakini Əhəd Nurullayev saxlanılıb. Aparılan araşdırmalarla həmin şəxsin Şıxlar kəndindəki digər bir yaşayış evindən də 500 manat dəyərində məişət əşyalarını oğurladığı müəyyən edilib.

Masallı Rayon Polis Şöbəsi əməkdaşlarının keçirdiyi digər əməliyyat-axtarış tədbirləri ilə daha bir oğurluq faktının üstü açılıb. Belə ki, Masallı rayonunun Ərkivan qəsəbəsində yerləşən evlərdən birindən 400 manat dəyərində məişət əşyalarını oğurlamaqda şübhəli bilinən rayon sakini Gümrah Şiriyev müəyyən edilərək saxlanılıb.

Faktlarla bağlı araşdırma aparılır

#
#

ƏMƏLİYYAT İCRA OLUNUR