Mingəçevirdə 35 yaşlı kişini bıçaqlayan şəxs saxlanılıb.
APA-nın Mingəçevir bürosunun məlumatına görə, şəhər polis əməkdaşlarının əməliyyat axtarış tədbirləri ilə dünən axşam saatlarında 1886-cı il təvəllüdlü şəhər sakini Firdovsi Abbasovu bıçaqlayaraq ağır xəsarət yetirməkdə şübhəli bilinən şəhər sakini Elçin Tağıyev saxlanılaraq istintaqa cəlb edilib.
***
23:30
Mingəçevirdə bıçaqlanma hadisəsi baş verib.
APA-nın Mingəçevir bürosunun məlumatına görə, hadisə bağlar massivində qeydə alınıb.
1986-cı il təvəllüdlü Abbasov Firdovsi Xanahməd oğlu münaqişə zamanı müxtəlif bədən nahiyələrindən bıçaqlanaraq ağır xəsarət alıb. Xəstəxanaya çatdırılan yaralı cərrahi əməliyyata alınıb.
Faktla bağlı araşdırma aparılır.