Avqust ayının 13-dən başlayaraq Baş Prokurorluğun Elm-Tədris Mərkəzində prokurorluq işçilərinin nəzəri və peşə hazırlığının artırılması, qanunvericiliyə edilən dəyişikliklərin mənimsənilməsi, vahid təcrübənin formalaşdırılması, insan hüquq və azadlıqlarının müdafiəsi problemlərinin öyrənilməsi məqsədi ilə müxtəlif aktual mövzuları əhatə edən silsilə tədris tədbirləri davam etdirilir.
Baş Prokurorluğun mətbuat xidmətindən APA-ya verilən məlumata görə, bu gün Zoom proqramı vasitəsi ilə onlayn şəkildə növbəti tədris tədbiri keçirilib. Tədbirdə dinləyici qismində Baş Prokurorluğun və Bakı şəhər prokurorluğunun, eləcə də tabe 25 şəhər və rayon prokurorluqlarının əməkdaşları, təlimçi qismində isə Elm-Tədris Mərkəzinin əməkdaşları ilə yanaşı Baş Prokurorluğun aidiyyəti qurumlarının işçiləri iştirak edib.
Tədbir çərçivəsində “Narkotik vasitələrin qanunsuz dövriyyəsi ilə əlaqədar cinayətlər üzrə ibtidai araşdırma zamanı sübutların toplanılması, rəsmiləşdirilməsi, baxış, axtarış, şəxsi axtarış və götürmənin aparılması, hal şahidlərin iştirakı ilə əlaqədar, eləcə də istintaq təcrübəsində mövcud olan digər aktual problemlər və onların həlli yolları” və “Avropa İnsan Hüquqları Məhkəməsinin presedent hüququ, insan hüquqları ilə bağlı qanunvericilik aktları, dövlət proqramları və beynəlxalq sənədlər” adlı mövzular üzrə tədris keçirilmiş, habelə qanunvericilikdə edilmiş mühüm dəyişikliklər, qüvvəyə minmiş yeni normativ hüquqi aktlar, Azərbaycan Respublikası Konstitusiya Məhkəməsinin və Ali Məhkəməsinin Plenum qərarları barədə ətraflı məlumatlar verilib.
Tədbirin yekunu üzrə müzakirə zamanı dinləyicilər tədris edilmiş mövzulardan razı qaldıqlarını ifadə ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
