Qazaxda yol-nəqliyyat hadisəsi baş verib.
APA-nın yerli bürosunun məlumatına görə, hadisə rayonun Kosalar kəndində qeydə alınıb.
Hərəkətdə olan iki minik avtomobili toqquşub. Qəza zamanı 3 nəfər - 1994-cü il təvəllüdlü Qorxmaz Məmmədzadə, 1994-cü il təvəllüdlü Anar Hüseynli və 1964-cü il təvəllüdlü Sahil Qasımov xəsarət alaraq xəstəxanaya yerləşdirilib. Yaralıların vəziyyətinin kafi olduğu bildirilir.
Hadisə yerinə DYP əməkdaşları cəlb olunub.
Faktla bağlı araşdırma aparılır.