Qəbələ rayonunda bədbəxt hadisə baş verib.
APA-nın yerli bürosunun xəbərinə görə, hadisə rayonun Vəndam qəsəbəsində qeydə alınıb.
Qəsəbə sakini, 2018-ci il təvəllüdlü Əliyev Seymur Teymur oğlu həyətdə oynayarkən valideynlərinin nəzarətindən yayınaraq su quyusuna düşüb. Köməksiz vəziyyətdə qalan azyaşlı suda boğularaq ölüb. Ailə üzvləri hadisədən gec xəbər tutublar. Hadisə yerinə rayonun hüquq-mühafizə orqanlarının əməkdaşları baxış keçirib.
Faktla bağlı Qəbələ rayon Prokurorluğu tərəfindən araşdırma aparılır.