Sabirabadda avtomobil mikroavtobusa çırpılıb, xəsarət alanlar var.
APA-nın Mil-Muğan bürosunun məlumatına görə, hadisə Hacıqabul-Horadiz magistralının 20-ci kilometrliyində Sabirabad rayonunun Qarağac kəndi ərazisindən keçən hissəsində qeydə alınıb. “BMV” markalı avtomobil sürətlə hərəkətdə olarkən dayanacaqda dayanan mikroavtobusa çırpılıb. Nəticədə 4 nəfər xəsarət alıb. Sabirabad sakini - 1968-ci il təvəllüdlü Məmmədov Pərvər Sabir oğlu, 1983-cü il təvəllüdlü Abbasov Vasif Ələsgər oğlu və 1956-cı il təvəllüdlü Bayramova Əsmayə Xanbala qızı müxtəlif dərəcəli xəsarətlərlə Şirvan şəhər xəstəxanasının reanimasiya və travmatologiya şöbələrinə yerləşdiriliblər. Bir nəfər yüngül xəsarət alan şəxsə ambulator yardım göstərilib.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
