Şabranda narkotik becərən şəxs tutulub

Şabranda narkotik becərən şəxs tutulub
# 28 may 2021 10:18 (UTC +04:00)

Şabran Rayon Polis Şöbəsinin əməkdaşları tərəfindən narkotik tərkibli bitkilərin kultivasiyası ilə məşğul olan şəxslərin ifşa olunaraq məsuliyyətə cəlb edilməsi istiqamətində əməliyyat tədbirləri davam etdirilir.

Daxili İşlər Nazirliyinin (DİN) mətbuat xidmətinin Şirvan regional qrupundan APA-ya verilən məlumata görə, şöbə əməkdaşları tərəfindən keçirilən əməliyyat tədbirləri ilə narkotik tərkibli bitkilərin kultivasiyası ilə məşğul olmaqda şübhəli bilinən Şahnəzərli kənd sakini Eyvaz Qafarov saxlanılıb.

Ona məxsus fərdi yaşayış evinə baxış zamanı evin həyətyanı sahəsindən xüsusi aqrotexniki qaydada qulluq edilərək yetişdirilən 19 ədəd çətənə bitkisi aşkarlanıb.

Faktla bağlı Şabran Rayon Polis Şöbəsində cinayət işi başlanılıb, araşdırmalar aparılır.

#
#

ƏMƏLİYYAT İCRA OLUNUR