Şabranda restoranda baş verən yanğın söndürülüb - FOTO - VİDEO - YENİLƏNİB-2

Şabranda restoranda baş verən yanğın söndürülüb - <span class="red_color">FOTO - <span class="red_color">VİDEO - <span class="red_color">YENİLƏNİB-2

© APA | Şabranda yanğın

# 21 iyun 2021 20:57 (UTC +04:00)

Mətnə video əlavə olunub.


***


18:51
 

 

Fövqəladə Hallar Nazirliyi (FHN) Şabranda restoranda baş verən yanğınla bağlı məlumat açıqlayıb.  

APA-nın nazirliyin saytına istinadən verdiyi məlumata görə, bu gün saat 14:09-da FHN-in "112" qaynar telefon xəttinə Şabran rayonunda restoranda yanğın olması barədə məlumat daxil olub.  FHN-nin Dövlət Yanğından Mühafizə Xidmətinin yanğından mühafizə bölmələri saat 14:14-də hadisə yerinə çataraq yanğınsöndürmə işlərinə başlayıblar. 

Yanğınsöndürənlərin çevik müdaxiləsi nəticəsində yanğının geniş əraziyə yayılmasının qarşısı qısa müddət ərzində alınaraq tam söndürülüb.

İlkin məlumata görə, restorana aid ərazidə ümumi sahəsi 330 m² tikilinin yanar konstruksiyaları və açıq ərazidə 0,2 ha sahədə quru ot yanıb. Restoranın ərazisində olan digər tikililər (ümumi sahəsi 460 m²) yanğından mühafizə olunub.

 

***

15.23

 

Şabranda restoranda baş verən yanğın söndürülüb. APA-nın şimal bürosunun verdiyi məlumata görə, yanğın nəticəsində Bakı-Quba yolunun kənarında yerləşən “Qala” restoranının 500 kvadratmetr hissəsi tamamilə yanıb. Yanğının söndürülməsi üçün əraziyə Şabran Dövlət Yanğından Mühafizə Hissəsinin canlı qüvvəsi və yanğınsöndürən maşınları cəlb olunub. Alovun ətraf əraziyə keçməsinin qarşısı alınıb.

Yanğının səbəbləri araşdırılır.

 

***

15.04

 

Şabran rayonunda restoranda yanğın başlayıb.

APA-nın şimal bürosunun verdiyi məlumata görə, Bakı-Quba yolunun kənarında yerləşən “Qala” restoranında başlayan yanğının söndürülməsi üçün əraziyə Şabran Dövlət Yanğından Mühafizə Hissəsinin canlı qüvvəsi və yanğınsöndürən maşınları cəlb olunub.

 

#
#

ƏMƏLİYYAT İCRA OLUNUR