Şirvan Şəhər Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində şəhər ərazisində oğurluq edən şəxs saxlanılıb.
Şirvanda mənzildən oğurluq edilib.
Daxili İşlər Nazirliyinin Mətbuat Xidmətinin Şirvan regional qrupundan APA-ya verilən məlumata görə, şöbə əməkdaşları tərəfindən keçirilən əməliyyat tədbirləri ilə şəhər ərazisində yerləşən evlərin birinə qanunsuz daxil olan və ümumi dəyəri 8000 manatdan çox olan müxtəlif növ məişət əşyaları və avadanlıqları, eləcə də geyim əşyaları oğurlayan şəhər sakini, əvvəllər məhkum olunmuş Elnur Rüstəmov saxlanılıb.
Saxlanılan zaman həmin şəxsin üzərinə keçirilən baxış zamanı ondan narkotik maddə olan heroin aşkarlanaraq götürülüb.
Dindirilmə zamanı E.Rüstəmov törətdiyi oğurluq əməlini etiraf edib. Oğurlanan əşya və avadanlıqlar maddi sübut kimi istintaqa təqdim edilib.
Faktla əlaqədar Şirvan ŞPŞ-nin İstintaq Bölməsində cinayət işi açılıb. Onun digər analoji hadisələrdə iştirakının olub-olmaması araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
