Sumqayıt Şəhər Polis İdarəsinin əməkdaşları tərəfindən narkotik vasitə və psixotrop maddələrin qanunsuz dövriyyəsi ilə məşğul olan şəxslərin aşkar edilərək məsuliyyətə cəlb edilmələri istiqamətində şəhər ərazisində silsilə əməliyyatlar həyata keçirilib.
APA-nın yerli bürosunun məlumatına görə, Sumqayıt şəhər Polis İdarəsinin əməkdaşları tərəfindən şəhərin Corat qəsəbəsində keçirilən əməliyyat tədbirləri nəticəsində psixotrop maddə olan “patı”və “şüşə” adlanan metamfetaminin, heroinin qanunsuz dövriyyəsi və satışı ilə məşğul olan 4 nəfər şəxs saxlanılıb.
Onların Elmar Teymurov, Könül Sadıqova, Kamran Əliyev və Elçin Şükürov olduqları müəyyən edilib.
Saxlanılan zaman həmin şəxslərin üzərinə keçirilən baxış zamanı onlardan müxtəlif tərkibli narkotik maddələr aşkar edilərək götürülüb.
Belə ki, əvvəllər narkotik maddələrin dövriyyəsi ilə məşğul olan və müxtəlif illərdə 20 il məhkumluq həyatı yaşamış Elmar Teymurov və Kamran Əliyevdən heroin, Elçin Şükürovdan marixuana, “patı” adlandırılan metamfetamin və Könül Sadıqovadan metamfetamin aşkarlanıb.
Həmin şəxslər saxlanılaraq istintaqa cəlb edilib.
Faktlarla bağlı Sumqayıt şəhər Polis İdarəsində cinayət işləri açılıb, araşdırmalar davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
