Tərtər sakini özünü yandırıb.
APA-nın yerli müxbirinin xəbərinə görə, rayonun Bəyimsarov kənd sakini, 59 yaşlı Qasımov Nüsrət Zöhrab oğlu üzərinə benzin tökərək Tərtər Rayon İcra Hakimiyyəti binasının yaxınlığında özünü yandırıb. N. Qasımov Tərtər Mərkəzi Rayon Xəstəxanasına çatdırılıb. Ona ilkin yardım göstərilib və ikinci, üçüncü dərəcəli yanıq xəsarətləri diaqnozu qoyulub.
Faktla bağlı araşdırma aparılır.
Tərtər rayon İcra Hakimiyyətindən APA-ya verilən məlumata görə, rayonun Bəyimsarov kənd sakini, 1962-ci il təvəllüdlü Qasımov Nüsrət Zöhrab oğlu ailə münaqişə zəmnində, həyat yoldaşı Qasımova Şahsənəm Əvəz qızı ondan boşanmaq üçün məhkəməyə mürəcit etdiyi üçün etiraz əlaməti olaraq, Tərtər Rayon İH binasına yaxın yerdə üzərinə benzin tökərək özünü yandırıb.
Hadisə yerinə gələn polis əməkdaşları alovu söndürərək N. Qasımovu Tərtər Mərkəzi Rayon Xəstəxanasına çatdırıblar. Vəziyyəti stabildir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
