Tikinti şirkətinin paylayıcı qutunu yararsız hala salınması yol-nəqliyyat hadisəsinə səbəb olub - FOTO

Tikinti şirkətinin paylayıcı qutunu yararsız hala salınması yol-nəqliyyat hadisəsinə səbəb olub - <span class="red_color">FOTO
# 24 iyun 2021 18:36 (UTC +04:00)

Bakı şəhəri Nərimanov rayonu Təbriz küçəsində Nəqliyyatı İntellektual İdarəetmə Mərkəzinə aid çoxfunksiyalı paylayıcı qutu zədələnərək tam yararsız hala salınıb.

Bu barədə APA-ya Bakı Nəqliyyat Agentliyidən məlumat verilib.

Bildirilib ki, “Nərimanov ESTATE” tikinti şirkəti nəqliyyat axınının düzgün idarə olunması baxımından mühüm əhəmiyyət kəsb edən avadanlığı qeyri-qanuni olaraq tikinti sahəsinə daxil edərək çəpərləyib. Üzərində avadanlığın Bakı Nəqliyyat Agentliyinə məxsus olması və onun zədələnməməsi barədə xəbərdarlıq olmasına baxmayaraq tikinti şirkəti buna məhəl qoymayıb: "23.06.2021 tarixində isə “Nərimanov ESTATE” şirkəti tərəfindən tikinti sahəsində aparılan iş zamanı idarəetmə lövhəsi dağıdılıb. Tikinti şirkətinin məsuliyyətsiz və qanuna zidd əməli nəticəsində Təbriz küçəsi və ətraf ərazilərdə ümumilikdə sahə avadanlıqlarının işində, o cümlədən iki yol ayrıcında svetoforun, müşahidə kameralarının və avtobus dayanacaqlarındakı “BakıKart” ödəmə terminallarının işi tamamilə dayanıb. Yol ayrıcından svetoforun işləməməsi səbəbindən Təbriz-Əhmədbəy Ağaoğlu küçlərinin kəsişməsində yol-nəqliyyat hadisəsi də qeydə alınıb".

Bildirilib ki, məsələ ilə bağlı hüquqi addımların atılmasına başlanılıb və müvafiq aktlar tərtib olunaraq digər zəruri sənədlərlə birgə hüquq mühafizə oqranlarına təqdim olunacaq. 

 

#
#

ƏMƏLİYYAT İCRA OLUNUR