Yasamal rayonunda piyadanı vuraraq hadisə yerindən qaçan sürücü saxlanılıb.
Daxili İşlər Nazirliyinin (DİN) mətbuat xidmətindən APA-ya verilən xəbərə görə, aprelin 7-də rayon ərazisində müəyyən edilməmiş avtomobillə yolu keçən Bakı şəhər sakini E.Hüseynova vurulub. Qəza nəticəsində xəsarət alan piyada xəstəxaya çatdırılıb. Ona ilkin tibbi yardım göstərilib.
Yasamal polisinin keçirdiyi əməliyyat-axtarış tədbirləri nəticəsində qəzanı törədərək hadisə yerindən yayınmaqda şübhəli bilinən “Daewoo” markalı avtomobilin sürücüsü, paytaxt sakini T.Əlimuradov müəyyən edilərək saxlanılıb.
Faktla bağlı araşdırma aparılır.