Yeniyetmələrə qarşı zor tətbiq edərək soyğunçuluq edən şəxs saxlanılıb.
Daxili İşlər Nazirliyinin mətbuat xidmətindən APA-ya verilən məlumata görə, Xəzər Rayon Polis İdarəsinin 1-ci Polis Şöbəsinə oktyabrın 19-da Mərdəkan qəsəbəsi ərazisində bir nəfərin Bakı şəhər sakini olan yeniyetməyə zor tətbiq edərək mobil telefonunu alması barədə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Hacıqabul rayon sakini Ə.Əsədov müəyyən edilərək saxlanılıb. Onun ətrafında aparılan tədbirlərlə oktyabrın 20-də həmin ərazidə digər bir yeniyetməyə də zor tətbiq edərək mobil telefonunu alması müəyyən edilib.
Rayon Polis İdarəsi tərəfindən araşdırma davam etdirilir.