Balakəndə bir nəfərin ölümü ilə nəticələnən yol-nəqliyyat hadisəsi baş verib.
Daxili İşlər Nazirliyinin mətbuat xidmətindən APA-ya verilən məlumata görə, oktyabrın 29-da saat 2 radələrində rayonun Katex kəndi ərazisində kənd sakini Y.Nəbiyev idarə etdiyi “VAZ-2107” markalı avtomobili yolun kənarındakı hasara vurub. Nəticədə avtomobildəki sərnişin Tofiq Mikanayev hadisə yerində ölüb, sürücü və digər sərnişini isə xəstəxanaya yerləşdiriliblər.
Baş İstintaq və Təhqiqat İdarəsi tərəfindən araşdırma aparılır.