Gəncədə sərnişin avtobusunun iştirakı ilə zəncirvarı yol-nəqliyyat hadisəsi baş verib.
APA-nın məlumatına görə, “QAZ-53” markalı yük maşını yol kənarında dayanan “Hyundai” markalı sərnişin avtobusuna arxadan çırpılıb. Zərbənin təsirindən avtobus qarşısındakı “VAZ-2106” markalı minik avtomobilinə dəyib.
Qəza nəticəsində bir nəfər xəsarət alıb.
Faktla bağlı araşdırma aparılır.