İmişli rayonunda 5 nəfər brakonyer saxlanılıb
APA-nın Mil-Muğan bürosunun məlumatına görə, onlardan 3 ədəd odlu silah, xeyli sayda ov quşu və eyni zamanda ov ləvazimatları aşkar edilib. Brakonyerlər 100-ə yaxın müxtəlif növdən olan çöl quşlarını qanunsuz olaraq ovladığına görə polis əməkdaşları tərəfindən saxlanılıb. Brakonyerlərdən Kürdəmir sakinləri, Cəfər Hüseynov, Füzuli Həsənov və Bakı sakini Zamin İsmayılovun 80-ə yaxın çöl quşunu qanunsuz olaraq ovladığı müəyyən edilib.
Həmçinin əməliyyat zamanı İmişli sakinləri Kənan Yaqubov və Cavid Quliyev də saxlanılıb. Keçirilən əməliyyat zamanı brakonyerlərdən ümumilikdə 3 ədəd ov silahı, xeyli maket və digər ov ləvazimatları, həmçinin 100-ə yaxın müxtəlif növ ov quşu götürülüb. Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
