Şirvanda avtomobil atlı gənci vurub.
APA-nın Mil-Muğan bürosunun məlumatına görə, hadisə Şirvan-Salyan magistral yolunda qeydə alınıb.
At belində mal-qara otaran Sabirabad rayonunun Çiçəkli kənd sakini, 2002-ci il təvəllüdlü Rəfiyev Emin Mahir oğlu yolu keçərkən yük avtomobili onu vurub. 18 yaşlı gənc müxtəlif dərəcəli xəsarətlərlə Şirvan Şəhər Mərkəzi Xəstəxanasının Reanimasiya şöbəsinə yerləşdirilib.
Faktla bağlı araşdırma aparılır.