Tovuzda yol-nəqliyyat hadisəsi baş verib.
APA-nın yerli bürosunun məlumatına görə, hadisə rayonun Aşağı Ayıblı kəndində qeydə alınıb.
İki minik maşınının toqquşması zamanı 1970-ci il təvəllüdlü Nağıyev Sultan Qarakişi oğlu ,1980-ci il təvəllüdlü Nağiyeva Rəna İsbi qızı və onun övladları - 2018-ci il təvəllüdlü Nağıyev Elmir Sultan oğlu və 2016-cı il təvəllüdlü Nağıyev Elnur Sultan oğlu xəsarət alıb.
Hadisə yerinə Təcili Tibbi Yardım briqadası və DYP əməkdaşları cəlb olunub.
Yaralılar xəstəxanaya yerləşdirilib. Onların vəziyyətinin orta-ağır olduğu bildirilir.