Lənkəranda Vətən müharibəsi şəhidlərinin xatirəsi yad edilib.
APA-nın cənub bürosunun verdiyi məlumata görə, canlarını Azərbaycan Respublikasının ərazi bütövlüyü yolunda qurban vermiş Vətən müharibəsi şəhidlərinin əziz xatirəsi Lənkəranın ən qədim məscidi sayılan Böyük Bazar məscidində anılıb. Qafqaz Müsəlmanları İdarəsinin cənub bölgəsi üzrə qazisi hacı Sədi Axundzadənin rəhbərliyi ilə məscid imamları şəhidlərimizin pak ruhuna Quran surələri və dualar oxuyublar, namaz qılıblar.