Ucarda traktor piyadanı vuraraq öldürüb.
APA-nın yerli bürosunun xəbərinə görə, hadisə ötən gün Bakı-Qazax yolunun Ucar rayonunun Qaradağlı kəndindən keçən hissəsində baş verib. Traktor yolu keçən piyada, Ucar rayonunun Qazıqumlaq kənd sakini, 1983-cü il təvəllüdlü Xəqani Oktay oğlu Murtuzovu vurub. Müxtəlif xəsarətlərlə Ucar Mərkəzi Rayon Xəstəxanasına yerləşdirilən X. Murtuzov bu gün orada ölüb.
Faktla bağlı araşdırma aparılır.