Hərbi

Ana səhifə

Hərbi

General: “Düşmən düşünürdü ki, Aprel döyüşlərində Azərbaycanın azad etdiyi əraziləri də geri ala biləcək”

28 sentyabr 2021 11:16 (UTC +04:00)

"Ötən gün biz Anım Günü keçirildi və qarşıda ölkəmizi "Zəfər günü" bayramı gözləyir. Azərbaycan xalqını bu günə kimi belə təqvimi yox idi".

APA-nın məlumatına görə, bunu Müdafiə Nazirliyinin Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin rəisi, general-mayor Bəkir Orucov bildirib.

Onun sözlərinə görə, Ordumuz 44 gündə hər gün irəli gedib: "Düşmən arxayın idi ki, yüksək hündürlüklər onlardadır və Azərbaycan Ordusu qalib gələ bilməyəcək. Onlar hətta düşünürdü ki, 2016-cı ilin aprelində Azərbaycanın işğaldan azad etdiyi əraziləri də geri ala biləcəklər. Amma ordumuz sədləri yardı, yüksəklikləri ələ keçirdi və qələbəni qazandı".