2020-ci ildə Azərbaycanın hərbi xərcləri 2019-cu illə müqayisədə 17% artıb.
APA-nın xəbərinə görə, bu barədə Stokholm Beynəlxalq Sülh Araşdırmaları İnstitutunun (SIPRI) son hesabatında dərc olunub.
Hesabatda bildirilib ki, bu artım Şərqi Avropa ölkələri arasında 2020-ci ildə ən böyük nisbi artımdır.
Hesabata görə, hərbi xərclərin artması Dağlıq Qarabağ bölgəsində Ermənistan və Azərbaycan arasında münaqişədən qaynaqlanıb.
Azərbaycanın hərbi xərcləri 2019-cu ildə ÜDM-nin 3.9%-ni təşkil edirdisə, 2020-ci ildə bu rəqəm 5.4% olub.
SIPRI-nin hesabatına görə, Ermənistanın hərbi xərcləri 2020-ci ildə 2019-cu illə müqayisədə 2,6% azalıb. Bu ölkədə hərbi xərclər 2020-ci ildə ÜDM-nin 4,9%-ni təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
