Filarmoniyada 8 Mart - Beynəlxalq Qadınlar Gününə həsr olunmuş tədbir keçirilib
06 mart 2007 16:24 (UTC +04:00)
Bu gün Müslüm Maqomoyev adına Azərbaycan Dövlət Filarmoniyasında əlil qadınların sənət nümunələri sərgisi və 8 Mart - Beynəlxalq Qadınlar Gününə həsr olunmuş tədbir keçirilib. APA-nın məlumatına görə, tədbir Ailə, Qadın və Uşaq Problemləri üzrə Dövlət Komitəsi və BMT-nin Əhali Fondunun birgə təşkilatçılığı ilə həyata keçirilib. Tədbirdə çıxış edən komitənin sədri Hicran Hüseynova BMT-nin Əhali Fondunun hər il ictimaiyyəti gender bərabərliyi və qadın inkişafının təmin edilməsinə yönəlmiş fəaliyyətlə bağlı çağırışla çıxış etdiyini xatırladıb və bunu müsbət qiymətləndirib. H. Hüseynova Azərbaycanda mövcud olan gender problemlərinin aradan qaldırılması üçün mütəmadi olaraq tədbirlərin həyata keçirildiyini qeyd edib. Tədbirdə BMT-nin rezident əlaqələndiricisi və Əhali Fondunun nümayəndəsi Bruno Pueza, hökumət nümayəndələri, Milli Məclisin təmsilçiləri və QHT təmsilçiləri iştirak edib. /APA/
İncəsənət
"Xalqın mədəni sərvəti" layihəsinin ikinci günü yekunlaşıb
23:10
28 mart 2024
Əməkdar artist Rahib Əliyev vəfat edib
17:30
28 mart 2024
"Xalqın mədəni sərvəti" layihəsi növbəti dəfə Cabbar Qaryağdıoğlunun xatirəsinə həsr olunub - FOTO
20:10
27 mart 2024
Gəncə Dövlət Filarmoniyasında Miri Yusifin konserti baş tutub
10:54
25 mart 2024