İncəsənət

Ana səhifə

İncəsənət

“Mədəniyyət həyat yolu kimi” mövzusunda respublika kulturoloji seminarı keçirilib

31 mart 2007 10:29 (UTC +04:00)

Azərbaycan Biznes Mərkəzində “Simurq” Azərbaycan Mədəniyyət Assosiasiyası, Azərbaycan Kulturoloqlar Cəmiyyəti Vətəndaş Cəmiyyətinin Beynəlxalq Mədəniyyət Forumunun birgə təşkilatçılığı ilə “Mədəniyyət həyat yolu kimi” mövzusunda respublika kulturoloji seminarı keçirilib. APA-nın məlumatına görə, seminarda akademik, “Simurq” Azərbaycan Mədəniyyət Assosiasiyasının I-ci vitse-prezidenti Maqsud Əliyev, tarix elmləri doktoru, professor Fuad Məmmədov “Kulturologiya məktəbi: təriflər, düsturlar, müddaalar. Mədəniyyət tarixi proses kimi” mövzusunda çıxış edib. Seminar çərçivəsində “Mədəniyyət insanın həyat və fəaliyyəti kimi: Azərbaycanda ruhi mədəniyyətin müasir vəziyyəti və perspektivləri” (Alimlərin hökumətə mədəniyyət siyasətinə dair praktiki təkliflərinin qəbul olunması) mövzusunda dəyirmi masa keçirilib. Seminarda Vətəndaş Cəmiyyəti Beynəlxalq Mədəniyyət Forumunun, Azərbaycan Kulturoloqlar Cəmiyyətinin, Azərbaycan Mədəniyyət Assosiasiyasının üzvləri iştirak ediblər. /APA/