İncəsənət

Ana səhifə

İncəsənət

Parisdə “Mədəni özünüifadə müxtəlifliyinin qorunması və təşviq edilməsinə dair Konvensiya”nın I konfransı keçirilib

25 iyun 2007 15:02 (UTC +04:00)

İyunun 18-19-da Fransanın Paris şəhərində yerləşən UNESCO-nun Baş Qərargahında “Mədəni özünüifadə müxtəlifliyinin qorunması və təşviq edilməsinə dair Konvensiya”nın iştirakçı dövlətlərinin I konfransı keçirilib. Bu barədə APA-ya Mədəniyyət və Turizm Nazirliyinin mətbuat xidmətindən məlumat verilib. İştirakçı dövlətlərdən əlavə, müşahidəçi ölkələr və beynəlxalq qeyri-hökumət təşkilatlarının iştirakı ilə keçən tədbirdə Azərbaycanın nümayəndə heyətinə mədəniyyət və turizm nazirinin müavini Sevda Məmmədəliyeva başçılıq edib. 19 iyunda “Mədəni özünüifadə müxtəlifliyinin qorunması və təşviq edilməsinə dair Konvensiya” üzrə Hökumətlərarası Komitəyə seçkilər keçirilib. Konvensiyanı ratifikasiya etmiş 62 dövlətdən 24-ü bu Komitəyə üzv seçilib. Azərbaycan Respublikası tərəfindən ratifikasiya olunması üçün Konvensiya hazırda Milli Məclisin müzakirəsinə verilib. İclasın sonuncu günü “Mədəni özünüifadə müxtəlifliyinin qorunması və təşviq edilməsinə dair Konvensiya” üzrə Hökumətlərarası Fondun fəaliyyət dairəsi müzakirə olunub və bəzi iştirakçı dövlətlər öz hökumətləri adından Fonda ediləcək töhfənin məbləğini bildiriblər. /APA/