İncəsənət

Ana səhifə

İncəsənət

“Əqli mülkiyyət hüququnun təminatı və piratçılıqla mübarizə haqqında” qanun layihəsi Nazirlər Kabinetinə göndərilib

26 iyul 2007 15:52 (UTC +04:00)

“Əqli mülkiyyət hüququnun təminatı və piratçılıqla mübarizə haqqında” qanun layihəsi Müəllif Hüquqları Agentliyində işlənib hazırlanıb və baxılmaq üçün bu gün Nazirlər Kabinetinə göndərilib. Bu barədə APA-ya Azərbaycan Müəllif Hüquqları Agentliyindən məlumat verilib. Həmçinin “Əqli mülkiyyət Dövlət Proqramı” layihəsi, “Azərbaycan müəlliflərinin ictimai varidat dairəsinə aid edilən əsərlərinin dövlət varidatı elan edilməsi haqqında”, “Audiovizual əsərlərin və fonoqramların şəxsi məqsədlər üçün surətinin çıxarılmasına görə müəllif qonorarının minimum məbləği, yığılması, bölüşdürülməsi və ödənilməsi Qaydaları”nın təsdiq edilməsi barədə və “Əlaqəli hüquqların obyekti olan ifadan istifadənin bəzi növlərinə görə ifaçılara ödənilən qonorarın minimum məbləği barədə” agentliyin təklifləri Nazirlər Kabinetinə təqdim olunub. /APA/