İncəsənət

Ana səhifə

İncəsənət

Gələn il Azərbaycan opera sənətinin yaranmasının 100 illiyi qeyd olunacaq

03 avqust 2007 10:52 (UTC +04:00)

Azərbaycan Dövlət Akademik Opera və Balet Teatrı 2008-ci ildə Azərbaycan opera sənətinin yaranmasının 100 illiyini təntənəli qeyd edəcək. APA-nın məlumatına görə, bunu Akademik Opera və Balet Teatrının direktoru Akif Məlikov deyib. Onun sözlərinə görə, hazırda yubileylə bağlı tədbirlər planı hazırlanır: “Azərbaycan opera sənətinin əsası 1908-ci ildə Üzeyir Hacıbəyovun “Leyli və Məcnun”u ilə qoyulub. Yubiley mərasimi üçün üç layihə hazırlanıb. Həmin layihələr arasında ən təqdirəlayiqini seçib, yubiley hazırlıqlarına başlayacağıq”. A.Məlikov onu da deyib ki, həmin ərəfədə “Leyli və Məcnun” operasının da səhnəyə qoyulmasının 100 illik yubileyi keçiriləcək. /APA/