Britaniyalı küçə rəssamı Benksinin "Love is in the Bin" ("Qırmızı şarlı qız" və ya "Sevgi zibil qutusunda") adlı əsəri Londonun "Sotheby's" auksionunda rekord 25,4 mln. ABŞ dollarına satılıb. Bununla da, bu, Benksinin ən bahalı rəsm əsəri oldu.
APA-nın məlumatına görə, bu barədə "Bloomberg" xəbər verir.
Qeyd edək ki, sözügedən rəsm əsəri 2018-ci ildə şöhrət qazanıb. Həmin vaxt əsər "Qırmızı şarlı qız" adlanırdı və "Sotheby's"də 1,2 mln. dollara satın alınmışdı. Lot bitdikdən sonra, çərçivədə gizlədilmiş şreder (parçalayıcı) parçanın yarısını məhv etmişdi. Əsər sonradan "Sevgi zibil qutusunda" adına dəyişdirildi.
Yeni auksionda əsər öncə 5,5-8,2 mln. dollar məbləğində qiymətləndirilib. Hərrac 10 dəqiqə davam edib, bundan sonra auksionçu Oliver Barker hərrac evinin ödənişləri nəzərə alınmaqla 25,4 dollar təşkil edən son dəyəri təklif edib və rəsm əsərinə sahib olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
