Rusiya və Azərbaycanın Əməkdar artisti Mutay Xadulayev 81 yaşında vəfat edib.
APA-nın TASS-a istinadən verdiyi xəbərə görə, sənətçi bu yaxınlarda koronavirusa (COVID-19) yoluxubmuş.
1969-cu ildən Dağıstan “Ləzginka” Dövlət Akademik Rəqs Ansamblında çalışan M.Xadulayev orkestrə rəhbərlik edirdi.
Qeyd edək ki, o, Dağıstanın Xalq artisti, Rusiya Federasiyası və Azərbaycan Respublikasının Əməkdar artistidir.