Azərbaycan, Gürcüstan, Türkmənistan və Rumıniya nəqliyyat və logistika məsələlərini müzakirə edib - FOTO

#
# 16:56
7 may 2020

Azərbaycan, Gürcüstan, Türkmənistan və Rumıniyanın nəqliyyat və xarici işlər sahələri üzrə aidiyyəti qurumlarının nümayəndələrinin iştirakı ilə nəqliyyat və logistika məsələləri müzakirə olunub.

Azərbaycan Nəqliyyat, Rabitə və Yüksək Texnologiyalar Nazirliyindən (NRYTN) “APA-Economics”ə verilən məlumata görə, video-konfrans formatında keçirilən görüşdə Azərbaycan tərəfdən NRYTN, Xarici İşlər Nazirliyi, İqtisadiyyat Nazirliyi, Dövlət Gömrük Komitəsi, “Azərbaycan Xəzər Dəniz Gəmiçiliyi” QSC, “Azərbaycan Dəmir Yolları” QSC, NRYTN-in yanında Dövlət Avtomobil Nəqliyyatı Xidməti, Dövlət Dəniz Agentliyi və “Bakı Beynəlxalq Dəniz Ticarət Limanı” QSC-nin nümayəndələri iştirak ediblər.

Nazirliyin dəstəyi ilə baş tutan video-konfransda nəqliyyat və logistika üzrə müvafiq layihələrin həyata keçirilməsi istiqamətində əməkdaşlığın genişləndirilməsi müzakirə predmeti olub.

Eyni zamanda, sözügedən sahədə normativ hüquqi bazanın təkmilləşdirilməsi məsələlərinə də toxunulub.

#
#

ƏMƏLİYYAT İCRA OLUNUR